Boodskap van die Skoolhoof
Laerskool Noord-Eind, wat genestel lê aan die voet van Paarlberg, teenaan pragtige wingerde, laat ‘n mens na jou asem snak. Dit is nie elke dag dat ‘n mens so ‘n pragtige skool en lieflike sportgronde in die middel van ‘n dorp vind nie – om nie eens te noem dat dit ‘n trotse Afrikaanse skool is nie!
As ‘n opvoedingsinstelling is dit ons taak en roeping om ‘n veilige, standvastige en gelukkige vesting te bied. Ons is behoudend, hou vas aan die goeie praktyke van die verlede, ontwikkel nuwe goeie praktyke en bou ‘n standvastige toekoms vir ons kinders, gebaseer op waardes, hoop en liefde.
Ons strewe na ‘n sentrum van uitnemendheid en glo in balans van Akademie, Sport en Kultuur, maar belangriker, dit is die plek waar elke kind gelukkig sal wees en emosioneel, intellektueel, fisies en geestelik sal groei, in ‘n vriendelike, veilige en omgee-omgewing.
Ons gebruik hierdie gebalanseerde kriteria om ons kinders aan te moedig om volgens die beste van elkeen se vermoë en elkeen se unieke talente deel te neem.
André Verhoog, Skoolhoof
Kobus Wiese 2024 Wildeklawer-Toernooispan
ONS WAARDES
INSKRYWINGSVORM
KWARTAALPROGRAM
KLEREDRAG
Akker Jakkers
Die Akker-Jakkers van Laerskool Noord-Eind ontvang optimale onderrig in ‘n ontspanne omgewing deur goed opgeleide en ervare onderwyseresse. Alle aktiwiteite word informeel aangebied en dit is só beplan dat die kinders op die korrekte manier vir formele onderrig voorberei word. Al die aktiwiteite word op ‘n spelende wyse aangebied en verskaf nie net groot genot nie, maar verseker ontwikkeling in totaliteit.
Onderwysers maak seker dat kinders se kognitiewe, liggaamlike, sosiale, emosionele, morele en estetiese ontwikkeling plaasvind.
Ons is trots om te kan sê dat alle kinders geliefd, veilig en geborge voel, sodat leer en ontwikkeling gebalanseerd kan plaasvind.
Noord-Eind Nasorg
Ons Nasorgfasiliteite maak voorsiening vir Pre-Gr. R en R, Gr. 1-3, en Gr.4-7. Ons het ‘n goedtoegeruste nasorg met uitstekende fasiliteite. Daar is verskeie klasse en ‘n eetsaal met ‘n kombuis en ‘n ontspanningslokaal. Die Pre-Gr. R en Gr. R bly by die Voorskoolse Sentrum.
Hierdie fasiliteit is daar vir leerders wie se ouers half-/voldag werk.
Ons missie is om ‘n veilige en kindervriendelike omgewing vir u kind te skep. Hierdie tuiste moet ‘n gelukkige, veilige “speelsentrum” vir u kind wees sodat hy/sy na die harde “arbeid” van die dag op ‘n gesonde en vreugdevolle wyse sy skooldag kan afsluit.
Ons Hoof Borg
Ons Borge
d6 Communicator
Selekteer Laerskool Noord-Eind Primary School. Selekteer dan Windows. Kies run, jy sal dan n security warning ontvang waar jy dan net weer run kies.
My School Card
Elke keer wat ouers die My School kaart gebruik, kry die skool geld. Hoe meer die ouers dus die kaart gebruik, hoe meer wen Laerskool Noord-Eind, en dit kos jou NIKS.
Die organisasie My School betaal dan aan die skool ‘n bedrag uit wat ‘n sekere persentasie is van al die transaksies soos deur die kaarthouers gegenereer.
Awsum
Op Apple of Google Play store soek: AWSUM App for Schools en kyk uit vir die blou/pers AWSUM logo. Kliek op Install, wanneer die app klaar geinstalleer is, kliek op Open en dan op Sign Up. Kies ‘n username en password. Kies (skoolnaam) van die lys van skole. Kliek op registreer. Sodra u geregistreer is, gaan na die Settings-gedeelte en kies u kind se graad en aktiwiteite.